کمپنی کاروبار

انٹر لوپ ہوزری کی صنعت سے منسلک دُ نیا کے بڑے اداروں میں سے ایک ہے ۔ جس کا سالانہ کاروباری حجُم 600 ملین ڈالر سے زیادہ ہے۔ اس کے علاوہ انٹرلوپ معیاری دھاگہ بنا نے کے لئے بھی مشہور ہے۔ انٹرلوپ میں دھاگہ بنانے ، دھاگے کی رنگائی ، بُنائی اور تکمیلی مراحل کی تما م سہولیا ت موجود ہیں ۔

انٹرلوپ ہوزری میں 8,000 سے زیادہ بُنائی کی مشینیں اور انٹرلوپ اسپننگ میں 49,968 اسپنڈلز لگے ہوئے ہیں، جبکہ 40,000 سے زائد ملازمین کام کرتے ہیں۔ انٹرلوپ ہوزری، ڈینم, اپیرل اور ایکٹو ویئر کی ایک وسیع رینج فراہم کرتی ہے جو تمام کسٹمرز بشمول برانڈز، ریٹیلرز اور اسٹورز کی ضروریات کے عین مطابق ہے جو اسے پورے خاندان کے لیے ملبوسات کا ترجیحی انتخاب بناتی ہے۔

ہم کاروبار کے تما م زاوئیوں بشمول اعلیٰ معیار ، کسٹمر پر توجہ اورمثبت مقابلے پر یقین رکھتے ہیں اوراپنے کسٹمرز کو دنیا کے مختلف مقامات اور خطوں سے کامیابی کے ساتھ خدمات پیش کر رہے ہیں ۔ ہماری پیداوار (مینوفیکچرنگ) کی سہولیات پاکستان (فیصل آباد اور لاہور) ، سری لنکا اور چین میں موجود ہیں ۔ کسٹمرز پر عالمی سطح پر توجہ دینے کیلئے ہماری مصنوعات کو ڈیزائن کرنے، تیار کرنے، بیچنے اور تقسیم کرنے کا نیٹ ورک پاکستان ، جاپان ، شمالی امریکہ اور یورپ میں موجود ہے۔

ہماری کاروباری جزبے سے سرشار پیشہ ورانہ ٹیم اور بہترین صنعتی عوامل کو لاگو کرنا ہمیں مسابقتی برتری دلاتے ہیں ۔ ہمارے کا روباری رجحانات اور نمُو ہمارے کسٹمرز کے ہم پر اعتماد کے مظہر ہیں ۔ انٹرلوپ کی بھرپور پیداواری صلاحیت اور گنجائش نہ صرف کمپنی کو مسابقتی برتری دلاتی ہے بلکے انٹرلوپ اور اس کے کسٹمرز کو مستقبل کے چیلنجز کا اعتماد اور کا میابی سے سامنا کرنے کے قابل بھی بناتی ہے۔